Pissen an de kant van de weg of poepen op een pot met een dun wandje d’r tussen dat iedereen oe heurt, dat ze al oe gereutel, gepröttel en gesteun könt heuren , doar heb ik een olderbastende hekel an.
Doar kwam ik op omdat iemand oaver een auto zat te zeiken in het openbaar en daarbij zich liet filmen en daardoor is opgepakt deur een politie vrouw.
Als i-j oe dan zo te kijk zet bi-j ’t plassen oaver een auto, dan bûn i-j alle schaamte voorbi-j . Diep van binnen, bewonder ik zulke openheid. Dat mot in oe zitten, ik zelf hol doar niet van…
Schijten in zo’n dixie of plassen in zo’n piswagen vind ik ook helemaal nix. ’N Hele rij kearls noast mekare en dat i-j dan alles van mekare heurt klateren. Meestal kan ik dan al helemaal niet meer van ‘t spöl af komm’n. Poepen bi-j een wildvremde is ook al zo iets verschrikkelijks. O, jee als ie een akelig remspoor achter mot laten, als i-j ’t laatste velletje van de toiletrol opmaakt, maar de anus nog lang niet schone hept of als i-j an de dunne bent en’t spat hoge op en d’r is gin borstel te vinden in dat hele wildvremde toilet um ’t nog weer ’n betjen fatsoenlijk achter te loaten.
Bi-j tentfeesten laat ’t ook vaak te wensen oaver. Pisbakken stinkt akelig of d’r al een joar een dooien onder de wagen ligt weg te rotten. BI-j de vrouwleu ligt de pot vol met pröttel met zo’n touwtjen d’r an of de potten bûnt helemaal vol gestouwt met wc paier zo dat de potten oaverstroomt. Ik zeg met recht vaak, want ik wil niet alle tentfeesten en organiserende verenigingen oaver éne kam scheren. Soms kump d’r ook een aangenaam aroma van bloemen of geurende parfum uut de toiletten of kump oe de neus goed lös van al dat chloor wat er in grote getale in gesodemietert is.
Ik vind het bezoeken van een w.c een intieme bezigheid. Het liefst gewoon thuus, op oe eigen pot, zodat niemand oe kan heuren. Als ie dan een bult lawaai maakt, dat niemand doar dan last van hef, dat i-j oe niet in hoeft te holden en dat i-j oe zo nergens veur hoeft te schamen.
Wat wil, Boer Kloete, nu diss’n keer met dit verhaaltje vertellen; Als i-j mot, woar dan ook, probeer ’t niet op te houden, maar probeer ’t goed achter te loaten. Veur diegene die achter oe an kump, dan doe i-j die d’r ’n gruwelijk groot plezier mee, Goedgoan en Amen !